تُم
تُم مشرق سے اُگتے ہوئے سورج کی پہلی کرن ہو..!
تُم روحِ قلب.، تُم روحِ من ہو..!
تُمھارا حُسن تالاب میں اُگے کسی کنول کی مانند ہے…،
تمھارے حُسن کو پہاڑوں کے درمیان اِک بہتی جھیل سے تشبہ دی جاسکتی ہے..!
تُم وہ تالاب ہو جو میرے آنگن میں ہر رات..،
چاند کو کُچھ عرصۂ قلیل تک خود میں قید کر لیتا ہے..!
باقی راتیں تو یکسر ٹھہری..!
تُم تو چودھویں اور پندرویں رات کے چاند کو بھی ٹکر دے سکتی ہو..!
تُم اُس مُصور کی آخری اور نامکمل تصویر ہو..،
جس کو دیکھ کر اُس نے خودکشی کرلی..!
تُم پچھلی سے پچھلی صدی کے شاعر کی وہ آخری غزل ہو،
جس کو لکھ کر اُس نے قلم توڑ دیا..!
تُم کسی پارسا شرابی کی مہ کا وہ آخری پیالہ ہو..،
جس کو پینے کے بعد اُس نے توبہ کرلی..!
فہد سالِم
